IUTда “Дастурлаш соати” глобал акцияси бўлиб ўтди

13 декабрь

2017 йил 10 декабрь куни Тошкент шаҳридаги Инҳа университетида бўлиб ўтган “Дастурлаш соати” глобал акциясида 5 ёшдан 13 ёшгача бўлан 200 нафар болалар қатнашди. 

4 декабрдан 10 декабргача дунёнинг 180 дан ортиқ мамлакатларида “Дастурлаш соати” акцияси бўлиб ўтди. “Дастурлаш соати” - ҳар бир ўқувчи ва талабанинг ўз қобилиятларини намойиш этишлари, АТ соҳасидаги бошланғич билимларни олишлари, дастурларнинг асосларини ўрганишлари ва келажакда қайси касб танлашга қарор қилишлари учун имкониятдир.

Бу йил мазкур акция биринчи маротаба Ўзбекистонда ташкил этилди. Лойиҳа Тошкент шаҳридаги Инҳа университети томонидан ўтказилиб, уни “Microsoft” корпорацияси, БМТТД ва “CodeCraft” лойиҳаси қўллаб-қувватлашди.

Тошкент шаҳридаги Инҳа университети талабалари машҳур “Minecraft” ўйинига асосланган “Hero`s Journey” (“Қаҳрамон йўли”) ни дастурлашни ўрганиш учун учта дарс сессиясини ўтказишди.

“Microsoft” корпорацияси муҳандислари болажонларга информатика асосларини осон ва тушунарли тилда ўрганишлари учун мазкур дастурни тайёрладилар. Ундан дарс вақтида, синф соатларида ва уй вазифаларини бажаришларида фойдаланишлари мумкин.

Акциянинг барча иштирокчилари бир соат давомида “Hero`s Journey”нинг бир қанча даражаларини босиб ўтишди ҳамда танлов якунларига кўра сертификат, шунингдек, “Minecraft” ўйини қаҳрамонлари акс этган махсус стикерларни қўлга киритишди.

Тошкент шаҳридаги Инҳа университети ректори Сарвар Бабаходжаев қайд этди: “Биз “Дастурлаш соати” акциясини ўтказганимиздан хурсандмиз. Болажонларнинг технологик саводхонлигини ошириш ҳамда уларни дастурлашнинг жозибадор оламига жалб этишнинг нақадар муҳимлигини ҳис қиламиз. Мазкур акция болажонларга ёққанлигидан хурсандмиз, уларнинг кўпчилиги ҳатто уйларига кетишни ҳам исташмади”.

“Шундай акциялар орқали биз ахборот технологияларига меҳр уйғотишимиз мумкин. Бу эса ўз навбатида болаларни дастурлашнинг турли тилларини чуқурроқ ўрганишларига туртки бўлади ва улар келажакда Ўзбекистоннинг IT-саноати ривожига ўз ҳиссаларини қўшишлари мумкин бўлади”, - қўшимча қилди ректор.

Ширин Абдуллаева, 5-синф ўқувчиси, қайд этди: “Мен “Minecraft”да дастурлаш мумкинлигини билмаган эканман. Бошқариш қийин эмас, ҳамда завқ бағишлар экан!”

“Мен ўйиннинг барча даражаларидан ўтганимдан хурсандман! Ўсиб, улғайганимда қаҳрамонлар тўғрисида ўз ўйинимни яратаман!!!”, - деди Нурмуҳаммад Нуримов.

Авваллари информатика фанидан сабоқ берган Фарҳод Пўлатов, маҳорат дарсларига қизчасидан ҳам каттароқ қизиқиш билдирди. Педагог сифатида у дарсларнинг ўйин тарзида ўтказилиб, юқори малакали мутахассислар томонидан бир нафасда ўтилганини, Тошкент шаҳридаги Инҳа университети томонидан барча шароитлар яратиб берилганлигини алоҳида қайд этиб ўтди.

“Дастурлаш соати”га бағишлаб, машҳур “Minecraft” ўйинига асослаб чиқарилган “Hero`s Journey” (“Қаҳрамон йўли”) деб номланган ўйин қўлланмаси – таълимнинг келажагидир! Ўйин тарзидаги ноанъанавий таълим жараёни болажонларни ўзига қизиқтириб, уларни тўлиқ ўзига жалб этади. Болаларни чўчитмасдан ўйин жараёнига жалб қилинади, қолганини эса уларнинг ўзлари тортиб кетишади – бу ҳақиқий таълим жараёнидир”, - қайд этди у.

Долзарб

Тайёрлов курси тингловчиларига имтиёзлар

Тошкент шаҳридаги Инҳа университети қошидаги Тайёрлов курслари тингловчилари учун қуйидаги имтиёзлар тақдим этилади:

  • Ўқув курси якунида ўтказиладиган тест синовларида Математика ва Физика фанларининг ҳар биридан 60 баллдан юқори натижага эришган тингловчилар Инҳа университетига кириш имтиҳонларидан озод этилиб, талабаликка қабул қилинади;
  • Лицей ва коллежларнинг биринчи ва иккинчи курс талабалари якуний имтиҳондан муваффақиятли ўтсалар, ўқишларини битирганларидан сўнг, имтиҳонсиз контракт асосида Инҳа университетига қабул қилинадилар.
  • Тайёрлов курслари тингловчилари Тошкент шаҳридаги Инҳа университети иншоотларидан фойдаланишлари мумкин.
  • Фақатгина Тайёрлов курслари тингловчиларига кириш имтиҳонини иккинчи бор топшириш имконияти берилади.
Батафсил »

Нега IUT?

Батафсил»

Нега айнан Тошкент шаҳридаги Инҳа университети?

Мазкур саволга замон талабларидан келиб чиққан ҳолда жавоб беришга ҳаракат қилиб кўрамиз. Юртбошимиз таъкидлаганларидек: “Янги аср – ахборот, юксак технологиялар ва замонавий билимлар, олдимизда очилаётган янги истиқболлар асридир”. 

Батафсил»

Нега IUTни танлашим керак?

Инҳа университети 60 йил аввал етакчилик, билим ва мамлакатга хизмат қилиш учун олий мақсадларни ният қилган ҳолда тузилган.

Батафсил»

IUT асосий мақсад ва вазифалари

Тошкент шаҳридаги Инҳа университетининг асосий вазифаси жамият ва миллат тараққиёти учун, юртимизда ахборот технологиялар соҳасининг ривожи учун ўз ҳиссасини қўша оладиган, юқори малакали, ҳар томонлама баркамол мутахассисларни етказиб беришдан иборат.

Батафсил»

Тошкент шаҳридаги Инҳа университетидаги

сўнгги иш ўринларига

ариза топширинг!

Inha University
in Tashkent
Office : 9, Ziyolilar str., M.Ulugbek district, Tashkent city
Phone : +998 71 289-99-99
Fax : +998 71 269-00-58
Email : info@inha.uz
Website : www.iut.uz, www.inha.uz
Inha University
KOREA
Office : INHA University Admissions office 100, INHA Avenue, Nam-gu, Incheon, Korea
Phone : 0082-32-860-7221~5
Fax : 0082-32-860-7210
Website : eng.inha.ac.kr