“Ажойиб математика” фестивалиди кўнгилли бўлган IUT талабалари Чеджуда ўтказилган математика фестивалида қатнашишди

29 сентябрь

Тошкент шаҳридаги Инҳа университети(IUT)нинг талабалари Жанубий Кореянинг Чеджу вилоятида ўтказилган математика фестивалида Ўзбекистон вакили сифатида иштирок этишди.

IUT талабалари Муҳриддин Исмоилов ва Улуғбек Абдуллаевлар фестивалда “Ўзбекистонда математика маданияти” (Math Culture of Uzbekistan) номли махсус стенд билан қатнашишди. Мазкур стенд ўтган ўқув йилида IUTда дарс берган  профессор Парк Жинам томонидан тайёрланган эди.

Профессор Парк Жинам Ўзбекистоннинг математика соҳасидаги бой меросининг катта мухлиси ҳисобланади. Ўзбекистонда ишлаган даврида у архитектура бинолари ва уларнинг қурилиш услубларини диққат билан ўрганди. Мазкур биноларни қурган ва безатган усталар турли математик ва геометрик шакллардан фойдаланишган. Шунингдек, профессор Парк 2016-йилнинг январь ойида катта муваффақият билан ўтказилган “Ажойиб математика” фестивалининг ташаббускорларидан бири эди.

Қайд этиб ўтиш керакки, Муҳриддин Исмоилов ва Улуғбек Абдуллаевлар ўқишдаги аъло баҳолари ҳамда “Ажойиб математика” фестивалида кўнгиллилар сифатида қатнашиб, Чеджу вилоятида ташкил этиладиган тадбирда иштирок этиш ҳуқуқини қўлга киритишган эди.

IUT талабалари Ўзбекистондаги тарихий ва замонавий биноларнинг суратларини тайёрлашди. Шунингдек, биноларнинг тарихи ва геометрик шакллар тўғрисида маълумотлар тақдим этилди.

Улуғбек Абдуллаев қайд этди: “Фестиваль юқори савияда ўтди. Унда турли мавзуларни қамраб олган кўпгина стендлар тақдим этилди. Бизнинг стенд барчада катта қизиқиш уйғотди, буни стендимиз олдида тўпланган мухлислардан ҳам билиб олса бўлардик. Уларнинг орасида ўқитувчи ва профессорлар, талабалар, кўнгиллилар, математика ишқибозлари ва бошқалар бор эди. Улар стендимизда тақдим этилган Ўзбекистоннинг маданий меросига катта қизиқиш билдиришди”.

“Мазкур фестивалда қатнашганим жудаям фойдали бўлди. Бу ерда янги инсонлар билан танишдим ва кўпгина дўстлар орттирдим. Шунингдек, математика бўйича ўз билимимни, муомала маданиятимни яхшилаб, дунёқарашимни кенгайтириб олдим. Мана шундай ихтирочилик ва ижодкорлик фестивалида қатнашиш имкониятини яратиб бергани учун IUTга ўз миннатдорчилигимни билдираман”, - деди Абдуллаев. 

Долзарб

Тайёрлов курси тингловчиларига имтиёзлар

Тошкент шаҳридаги Инҳа университети қошидаги Тайёрлов курслари тингловчилари учун қуйидаги имтиёзлар тақдим этилади:

  • Ўқув курси якунида ўтказиладиган тест синовларида Математика ва Физика фанларининг ҳар биридан 60 баллдан юқори натижага эришган тингловчилар Инҳа университетига кириш имтиҳонларидан озод этилиб, талабаликка қабул қилинади;
  • Лицей ва коллежларнинг биринчи ва иккинчи курс талабалари якуний имтиҳондан муваффақиятли ўтсалар, ўқишларини битирганларидан сўнг, имтиҳонсиз контракт асосида Инҳа университетига қабул қилинадилар.
  • Тайёрлов курслари тингловчилари Тошкент шаҳридаги Инҳа университети иншоотларидан фойдаланишлари мумкин.
  • Фақатгина Тайёрлов курслари тингловчиларига кириш имтиҳонини иккинчи бор топшириш имконияти берилади.
Батафсил »

Нега IUT?

Батафсил»

Нега айнан Тошкент шаҳридаги Инҳа университети?

Мазкур саволга замон талабларидан келиб чиққан ҳолда жавоб беришга ҳаракат қилиб кўрамиз. Юртбошимиз таъкидлаганларидек: “Янги аср – ахборот, юксак технологиялар ва замонавий билимлар, олдимизда очилаётган янги истиқболлар асридир”. 

Батафсил»

Нега IUTни танлашим керак?

Инҳа университети 60 йил аввал етакчилик, билим ва мамлакатга хизмат қилиш учун олий мақсадларни ният қилган ҳолда тузилган.

Батафсил»

IUT асосий мақсад ва вазифалари

Тошкент шаҳридаги Инҳа университетининг асосий вазифаси жамият ва миллат тараққиёти учун, юртимизда ахборот технологиялар соҳасининг ривожи учун ўз ҳиссасини қўша оладиган, юқори малакали, ҳар томонлама баркамол мутахассисларни етказиб беришдан иборат.

Батафсил»

Тошкент шаҳридаги Инҳа университетидаги

сўнгги иш ўринларига

ариза топширинг!

Inha University
in Tashkent
Office : 9, Ziyolilar str., M.Ulugbek district, Tashkent city
Phone : +998 71 289-99-99
Fax : +998 71 269-00-58
Email : info@inha.uz
Website : www.iut.uz, www.inha.uz
Inha University
KOREA
Office : INHA University Admissions office 100, INHA Avenue, Nam-gu, Incheon, Korea
Phone : 0082-32-860-7221~5
Fax : 0082-32-860-7210
Website : eng.inha.ac.kr