Toshkent shahridagi Inha universitetida birinchi «IT-Talk:Startups 2020» bo’lib o’tadi

31 yanvar kuni Toshkent shahridagi Inha universitetida «IT-Talk: Startups 2020» bo’lib o’tadi. Ushbu tadbir 2020 yil Prezidentimiz tomonidan ilm-ma’rifat va raqamli iqtisodiyotni rivojlantirish yili deb e’lon qilinganligi munosabati bilan tashkil etilmoqda.

«IT-Talk»ning birinchi ochilish marosimi startap taqdimoti hamda Toshkent shahridagi Inha universiteti talabalarining ishlanmalariga bag’ishlangan ko’rgazmalarni o’z ichiga oladi. «IT-Talk: Startups 2020 yilda IT sohasidagi dolzarb masalalarni muhokama qilish uchun platforma bo’ladi.

Tadbir davomida mahalliy tadbirkorlar va IT sohasidagi nufuzli mutaxassislari va shu qatorda «Office market» va «Dekos» kompaniyalarining asoschisi va rahbari Xasan Mamasaidov, «Newmax Technologies» (MyTaxi, Express24 brendlari) asoschisi va bosh direktori Akmal Payziev, «One Million Coders» loyihasi asoschisi, IT-Park menejeri Dilmurad Nasibullaev va SAP Uzbekistan vakili Alisher Isaevlarning chiqishlari kutilmoqda.

Ma’ruzachilar biznesdagi shakllanish tarixi IT sohasidagi yutuqlari,kamchiliklari haqida o’rtoqlashadilar va shu qatorda kelajakdagi rejalar haqida o’z fikir mulohazalarini bildiradilar.