TIU da shaxmat bo‘yicha musobaqa bo‘lib o‘tdi

Toshkent shahridagi Inha universitetida «Yoshlar shaxmat taxtasi» shaxmat bo‘yicha respublika musobaqasining tuman bosqichi bo‘lib o‘tdi.

 

Mirzo Ulug‘bek tumani bosqichida yoshiga qarab oltita guruhda 400 dan ortiq o‘quvchi  musobaqalashdi. Natijada 6 ta o‘g‘il bola va 6 qizdan iborat 12 ta yosh yigit-qizlar g‘olib bo‘ldi hamda «Yoshlar shaxmat taxtasi» musobaqasining Toshkent shahar bosqichiga yo‘llanmani qo‘lga kiritdi. 

 

Ta’kidlash joizki ushbu tadbir yoshlar o‘rtasida shaxmatning ommaviyligini oshirish va rivojlantirish, ulg‘ayib kelayotgan avlodda fikrlash qobiliyatni faollashtirish, sport va madaniy an’analarni saqlash va ko‘paytirish maqsadida o‘tkazilmoqda.