EN
RU
Bizning iqtidorli yosh olimlarimiz, Toshkent shahridagi Inha universiteti o‘qituvchilari Bahodir Axmedov va Sarvar Abdullayevlar ilmiy darajalarini nostrifikatsiyasini O‘zbekiston Respublikasi Oliy attestatsiya komissiyasidan olishdi. Biz ularni ushbu muhim hodisa bilan chin dildan tabriklaymiz va ishlariga muvaffaqiyat tilaymiz!
Sarvar Abdullayev 2016 yilda Angliyaning eng yirik, eng qadimgi va eng obro‘li universitetlaridan biri bo‘lgan King’s College London da kompyuter fanlari bo‘yicha PhD darajasini oldi. Kollej Oksford va Kembrij universitetlari bilan birgalikga “oltin uchburchak” deb nomlangan, shuningdek Buyuk Britaniya universitetlarining Russel Group elita birlashmasiga kiritilgan.
2016 yilda Bahodir Axmedov Germaniyaning eng nufuzli universitetlaridan biri, shuningdek IDEA League (Yevropaning beshta yetakchi universitetlari assotsiatsiyasi), hamda Top Industrial Managers for Europe assotsiatsiyasi a’zosi bo‘lgan RWTH Aachen University texnik universitetida fizika va matematika fanlari bo‘yicha PhD darajasini oldi.
Bu O‘zbekiston Respublikasi Prezidenti Shavkat Mirziyoyev tomonidan imzolangan «Ilm-fanni 2030 yilgacha rivojlantirish konsepsiyasini tasdiqlash to‘g‘risida» gi Prezident farmoni (2020 yil 29-oktabr, 6097-son) ijrosi doirasida amalga oshirildi.
