EN
RU
30-avgust kuni Toshkent shahridagi Inha universiteti rektori M. Djalalov shaxsan Toshkent viloyati Chirchiq shahridagi bolalar uyi tarbiyalanuvchisi Robert Nosirovni tabriklab, unga noutbuk sovg’a qildi.
Eslatib o’tamiz, 2020-2021 o’quv yilida Toshkent shahridagi Inha universiteti mamlakatimizdagi bir qancha bolalar uylari bilan yaqin hamkorlik o’rnatib, ularning o’quvchilari uchun matematika, fizika, dasturlash va ingliz tili bo’yicha bepul kurslar tashkil etgan edi. Robert ham bu kurslarga qatnashgan edi.
Toshkent shahridagi Inha universiteti kurslarida o’qish paytida Robertda kompyuter texnologiyalariga katta qiziqish uyg’ondi va dasturiy injiniring mutaxassisi bo’lishga qaror qildi. Ta’lim olishda samarali mehnati natijasida u dunyoning TOP universitetlaridan biri – Changsha fan va texnologiya universitetining talabasi bo’ldi.
«Changsha universitetida birinchi o’quv yili onlayn tarzda bo’ladi va biz umid qilamizki, bizning sovg’amiz har qachongidan ham kerakli bo’ladi va samarali ta’lim olishida ko’mak bo’ladi», – deydi Toshkent shahridagi Inha universiteti rektori Muzaffar Djalalov.