Kremniy vodiysi ekspertining ma’ruzasi bo‘lib o‘tdi

 

12 dekabr kuni Toshkent shahridagi Inha universitetida “LinkedIn platformasida onlayn obro‘ni shakllantirish va boshqarish” mavzusida Kremniy vodiysi eksperti Shaxina Po‘latovaning ma’ruzasi bo‘lib o‘tdi.

 

Ma’ruzachi tadbir ishtirokchilariga LinkedIn platformasida onlayn obro‘ni shakllantirish va boshqarish usullari haqida batafsil so‘zlab berdi.

 

Spiker, ushbu platforma dunyo professionallarini birlashishga, ularni unumdorligi va muvaffaqiyatliligini yanada oshirishga, shuningdek global ishchi kuchining har bir a’zosiga iqtisodiy imkoniyatlar yaratishda ko‘mak berishini qayd etdi.

 

Tadbir so‘ngida Shaxina Po‘latova talabalarni qiziqtirgan savollariga javob berdi hamda universitetga tashrif buyurganidan, talabalar bilan muloqot qilganidan mamnunligini bildirdi.