Toshkent shahrida «Ko’ngilochar matematika» festivali boshlandi

Toshkent shahridagi Inha universitetida «Ko’ngilochar matematika» fanining uchinchi o’quv-amaliy festivali boshlandi. Birinchi kuni tadbirga rekord darajadagi matematikaga qiziqqan mehmonlar tashrif buyurdilar, deb xabar beradi universitet matbuot xizmati.

Bugun, 15-yanvar kuni Toshkent shahridagi Inha universitetida uch kunlik «Ko’ngilochar matematika» festivali ochildi. Ochilish marosimida Toshkent shahridagi Inha universitetining Yoshlar Siyosati bo’yicha prorektori Turdimurot Tursunmurotov va Janubiy Koreyaning o’qituvchilar jamiyati rahbari Moon Song Kim barcha qatnashchilarga omad tiladilar.

Bugun yuzlab o’qituvchilar, bolalar va ota-onalar Toshkent shahridagi Inha universitetiga noyob tadbir – «Ko’ngilochar matematika» o’quv-amaliy festivalida ishtirok etish uchun tashrif buyurdilar. Tadbir qiziqarli ko’ngilochar oyinlar va miya uchun mashiqlar bo’lib bolalarda  juda katta tasutor qoldirdi.Tadbirning asosiy maqsadi – matematika faninig ajoyibligini namoyish etishdan iborat bo’ldi.

Dastlabki ma’lumotlarga ko’ra, tadbirning birinchi kuni bo’lishiga qaramay – 2500 dan ortiq qatnashchilar tashrif buyurdilar. Bu o’rta maktab va oliy o’quv yut talabalaridur.Janubiy Koreadan 20dan ortiq bundan tashqari 30ta mahalliy matematika o’qituvchilari murabbiy sifatida qatnashdilar. Tadbirda 75 nafar, Inha universiteti talabalari qoshimcha yordamchi sifatida ishtirok etdilar.

Festivalda yigirmaga yaqin turli xil matematik stendlar namoyish etildi, ulardan Kepler-Poinsotning yulduz shaklida yig’ishi, mehmonlar kitobida-mozaika shaklida istak qoldirish, Sehrli mikserni ishga tushirish, Sierpinski Piramidasini qurish, Matematik Sudoku masalalarini to’plamlari to’plangan. Shuningdek, festivalda talabalar uchun tanlovlar va Janubiy koreyalik matematika professorlarining ma’ruzalari bo’lib o’tadi.

Eslatib o’tamiz, «Ko’ngilochar matematika» birinchi o’quv-amaliy festivali 2016 yil yanvar oyida bo’lib o’tgan. Uch kun ichida festivalga 5 mingdan ortiq kishi tashrif buyurgan. Bu yil ishtirokchilar soni sezilarli darajada ko’paymoqda.

O’quv-amaliy festival yana ikki kun davom etadi. 16 va 17 yanvar kunlari tadbirlar 9.30 da boshlanadi. Barcha xohlovchilar uchun kirish erkin tarizda.