🔹Toshkent shahridagi Inha universitetida birinchi keng ko‘lamli «KIDS HACKATHON 2024» bo‘lib o‘tdi

6-avgust kuni Toshkent shahridagi Inha universiteti «MARS IT School» bolalar dasturlash maktablari tarmog‘i bilan birgalikda bolalar uchun eng yirik dasturlash xakatoni – «KIDS HACKATHON 2024» tashkil qildi.

Xakaton O‘zbekiston Raqamli texnologiyalar vazirligi, O‘zbekiston Maktabgacha va maktab ta’limi vazirligi, Raqamli ta’limni rivojlantirish markazi, IT-park va O‘zbekiston Respublikasi Ta’limni rivojlantirish Respublika ilmiy-metodik markazi ko‘magida o‘tkazildi.

Tadbir hamkorlari – International Coding Academy, AKFA Group, CoddyCamp, Oqtepa Lavash, RM Club, The Tech, Gorod 24, We project media va “Dinay”ga alohida minnatdorchilik bildiramiz.

Xakatonda 7 yoshdan 17 yoshgacha bo‘lgan 350 nafardan ortiq maktab o‘quvchilari kun davomida dasturlash loyihalarini yaratish ustida ishladilar va 20 000 000 so‘m sovrin jamg‘armasi uchun kurashdilar. Xakaton yakunida ishtirokchilarga «pitching» uchun taqdimotni qanday qilib to‘g‘ri yaratish bo‘yicha mashg‘ulotlar o‘tkazildi. Har bir jamoa o’z loyihalarini hakamlar hay’atiga taqdim etdi, so’ngra ular 7 ta g’olib jamoani tanladilar.

G‘oliblarni chin yurakdan tabriklaymiz va ularning yangi yutuqlarida muvaffaqiyatlar tilaymiz!