6 fevral kuni Toshkent shahridagi Inha universitetida Rossiya va O‘zbekistonning «aqlli shaharlar» texnologiyalarini rivojlantirish bo‘yicha o‘zaro hamkorligiga bag‘ishlangan forsayt sessiyasi bo‘lib o‘tdi. Tadbir IT-kompaniyalar biznes missiyasining biznes dasturi doirasida tashkil etildi.

«Rossiya va O‘zbekistonning aqlli shahar texnologiyalarini rivojlantirish sohasidagi hamkorligi» forsayt sessiyasida shahar infratuzilmasini raqamlashtirishga qaratilgan ilg‘or loyihalar taqdim etildi.

Ishtirokchilar sanoat, transport, uy-joy kommunal xo‘jaligida sun’iy intellektni joriy etishning asosiy tendensiyalari va imkoniyatlari bilan tanishdilar.

Video-tahlil, shahar infratuzilmasi xavflarini boshqarish, shuningdek, aqlli transport tizimlarini integratsiya qilish sohasidagi innovatsion yechimlar namoyish etildi.

Sessiya doirasida raqamlashtirish sohasidagi dolzarb muammolar va ularni ilg‘or IT-ishlanmalarni qo‘llagan holda hal etish yo‘llari muhokama qilindi.