7-may – O‘zbekiston Respublikasi axborot-kommunikatsiya texnologiyalari sohasi xodimlari kuni!

Axborot texnologiyalari va kommunikatsiyalarining rivojlanishi olimlar, muhandislar, texniklar, dasturchilarning ko’plab avlodlari – taqdiri aloqa sohasi bilan bog’langan har bir kishining mehnati natijasidir. Aloqa xodimlari o‘zlarining kundalik mehnatlari bilan mamlakatimiz taraqqiyotiga ulkan hissa qo‘shmoqdalar!

Oʻz vaqtida Toshkent shahridagi Inha universiteti Oʻzbekiston aloqa tarixi muzeyi uchun “Mohir Aloqachi” platformasini ishlab chiqqan edi.

Bu aloqa sohasida uzoq vaqt ishlagan, aloqa ustasi faxriy unvoni, axborot-kommunikatsiya texnologiyalari sohasida davlat mukofotlari bilan taqdirlangan shaxslar haqidagi axborot tizimidir. Har bir tashrif buyuruvchi ma’lumot kioskidan foydalanishi va taqdim etilgan ma’lumotlarni o’rganishi mumkin.

Toshkent shahridagi Inha universiteti barcha aloqachilar – radio, televideniye va aloqa xodimlarini kasb bayramlari bilan tabriklaydi!