ICTWeek 2025 «Raqamli ta’limda sun’iy intellekt» forumi doirasida yoshlar o‘rtasida IT yo‘nalishini targ‘ib qilishga hissa qo‘shayotgan blogerlarni taqdirlash marosimi bo‘lib o‘tdi.

Ular mualliflik mediakontentini yaratadi, auditoriyaning raqamli savodxonligini oshiradi va texnologiyalar sohasidagi so‘nggi global tendentsiyalarni baham ko‘radi.

Qayd etilgan blogerlar orasida Toshkent shahridagi Inha universiteti bitiruvchisi, «Nuruddin blogs» kanali asoschisi Nuruddin Iminoxunov ham bor.

Ayniqsa, Inha bitiruvchilari fikr yetakchilariga aylanib, yoshlarni ilhomlantirayotgani va mamlakat IT ekotizimini rivojlantirishga hissa qo‘shayotganidan faxrlanamiz.