EN
RU
Toshkent shahridagi Inha universiteti va «Kiberxavfsizlik markazi» davlat unitar korxonasi o‘rtasida yangi o‘zaro hamkorlik memorandumi imzolandi.
Hujjat tomonlarning malakali kadrlar tayyorlash, ularning malakasini oshirish, qo‘shma ta’lim, ilmiy-tadqiqot va innovatsion loyihalarni amalga oshirish borasidagi ko‘p yillik sherikligining mantiqiy davomi bo‘ldi.
Bitim doirasida quyidagilar tashkil etiladi:
🔹 talabalar uchun kiberxavfsizlik sohasida amaliyot va stajirovkalar,
🔹 qo‘shma seminarlar, treninglar va yozgi/qishki maktablar,
🔹 Markaz va universitet mutaxassislarining ilmiy tadqiqotlar va konferensiyalarda ishtirok etishi,
🔹 Talabalarga xalqaro sertifikatlarni olishda ko‘maklashish.
Hamkorlik Toshkent shahridagi Inha universitetining raqamli texnologiyalar ekotizimini rivojlantirish hamda axborot va kiberxavfsizlik sohasida mutaxassislarning yangi avlodini tayyorlashga sodiqligini tasdiqlaydi.