Umumiy

Toshkent shahridagi Inha universiteti rektori Muzaffar Djalalov boshchiligidagi universitet vakillari Uchtepa tumanidagi 129-umumta’lim maktabiga tashrif buyurdilar.

Posted on by Diyora
11
Okt
11-oktabr kuni Toshkent shahridagi Inha universiteti rektori Muzaffar Djalalov boshchiligidagi universitet vakillari Uchtepa tumanidagi 129-umumta’lim maktabiga tashrif buyurdilar.
Tashrif davomida TShIU rektori maktab direktori Ra’no Abduqodirova bilan uchrashib, tomonlar robototexnika va maktab o‘quvchilari uchun IT kurslari bo‘yicha o‘zaro hamkorlik rejalarini muhokama qildilar. Tomonlar maktab o‘qituvchilarining matematika, fizika, ingliz tili va informatika kabi yo‘nalishlar bo‘yicha bilim va malakasini oshirishga kelishib oldilar. Maktab o‘quvchilari uchun turli tanlovlar, xakatonlar, startap festlari o‘tkazish rejalashtirilgan.
Shuningdek, TShIU rektori Muzaffar Djalalov maktab o‘quvchilari uchun ochiq dars o‘tkazib va unda IT sohasi haqida gapirdi hamda Toshkent shahridagi Inha universiteti bilan tanishtirdi. Maktab o‘quvchilari qabul va talabalik hayoti, shuningdek, bitiruvchilarning muvaffaqiyati haqida ko‘plab savollar bilan murojaat qildilar.