Umumiy

Toshkent shahridagi Inha universitetida CIO CLUB Uzbekistan yig‘ilishi bo‘lib o‘tdi

Posted on by Diyora
02
Dek
2024-yil 30-noyabr kuni Toshkent shahridagi Inha universitetida IT sohasidagi eng muhim voqea – CIO CLUB Uzbekistanning navbatdagi yig‘ilishi bo‘lib o‘tdi.
Asosiy ma’ruzachilar qatorida Raqamli texnologiyalar vazirining birinchi o‘rinbosari Olimjon Umarov qutlov so‘zi va savol-javob sessiyasini o‘tkazdi.
Toshkent shahridagi Inha universiteti rektori Muzaffar Djalalov “CIOlar orasida innovatsion yetakchilarni shakllantirishda ta’lim tashabbuslarining o‘rni” mavzusidagi maruza oʻqidi.
Elektron tijoratni rivojlantirish bo‘limi boshlig‘i Kamronbek Muhammadiev elektron tijoratning muammolari va istiqbollariga to‘xtalib o‘tdi.
CIO CLUB Uzbekistan Kengashi raisi Ahadbek Dalimov tashkilotlarda axborot xavfsizligi yetukligi mavzusida ma’ruza qildi.
Huawei eksperti Andrey Buranov sunʼiy intellekt va fintech sohasidagi yangiliklar bilan oʻrtoqlashdi.
Eslatib o‘tamiz, tadbir hamkor sifatida Toshkent shahridagi Inha universiteti, bosh homiy sifatida Huawei kompaniyasi va axborot hamkori sifatida ICTNews ko‘magida tashkil etildi.