TShIU talabalari «Cometa IT Bootcamp» amaliyot dasturida yuqori darajadagi bilimlarini namoyish etdilar

2024-yil 31-iyul kuni «Cometa IT Bootcamp» amaliyot dasturining birinchi bosqichi — tadbirkorlik va ishbilarmonlik muhitini rivojlantirishga qaratilgan loyiha yakunlandi.

Toshkent shahridagi Inha universitetining olti nafar talabasi ushbu amaliyot dasturida ishtirok etib, yuqori darajadagi bilimi va akademik samaradorligini namoyish etdilar!

2-avgust kuni «Cometa IT Bootcamp» amaliyot dasturining birinchi bosqichi yakunlanishi munosabati bilan Toshkent shahridagi Inha universiteti talabalariga  sertifikatlarni tantanali topshirish marosimi bo‘lib o‘tdi. Shuningdek, tadbir doirasida eng yaxshi  talabalar uchun A1 Project IT-kompaniyasida ishlash uchun rasmiy taklifnomalar topshirildi. Barcha talabalarga tavsiyanomalar taqdim etilib va ularning rezyumelari «A1 Project»ning O‘zbekiston Respublikasidagi bir nechta mijozlari va hamkorlariga yuboriladi.

Shuningdek, Toshkent shahridagi Inha universiteti rektori Muzaffar Djalalov va A1 Project xalqaro IT kompaniyasi asoschisi va direktori Rustam Xo‘djayev bilan «Cometa IT Bootcamp» loyihasining ikkinchi bosqichini va dastur davomida to‘plangan tajribalarni  muhokama qildilar.