TShIU talabalari Koreyada🤩🇰🇷

Toshkent shahridagi Inha universitetining 10 nafar talabasi Koreya Respublikasidagi INHA universitetining “INHA Summer School”  dasturida ishtirok etmoqdalar. Talabalar o’zlarining turli loyihalari bilan faol ishtirok etib kelgan va eng yaxshi natijalarni ko‘rsatganlar orasidan tanlab olindi.

Janubiy Koreyadagi uch haftalik yozgi “INHA Summer School” dasturi koreys tili, koreys madaniyati, Koreyada biznes aloqa, Koreya madaniyatini o‘rganish, Koreya biznesi va iqtisodiyotiga kirish kabi turli yo‘nalishlar bo‘yicha darslarni o‘z ichiga oladi.

Shuningdek, talabalar Koreya Respublikasi madaniyati va sayyohlik joylari bilan yaqindan tanishish imkoniyatiga ega bo’ladilar🇰🇷

Qayd etish joizki, yozgi maktab dasturida dunyoning turli universitet talabalari ham qatnashadi. Bu o‘zbekistonlik talabalarga yangi do‘stlar orttirish, shuningdek, boshqa xalqlarning madaniyati va an’analarini o‘rganish imkonini beradi.

🛫Eslatib o‘tamiz, bu yil Toshkent shahridagi Inha universiteti talabalari  INHA universitetining “INHA Summer School” dasturida sakkizinchi  bor qatnashmoqda.