TShIU talabalari sun’iy intellekt sohasida rivojlanadilar

9 iyul kuni Toshkent shahridagi Inha universitetida O‘zbekiston Respublikasi raqamli texnologiyalar vazirining birinchi o‘rinbosari Oleg Pekos va TShIU talabalari o‘rtasida uchrashuv bo‘lib o‘tdi.

Uchrashuv mavzusi sun’iy intellekt kabi global va o’sib borayotgan sohani muhokama qilish edi. Toshkent shahridagi Inha universiteti talabalari o‘z ilovalariga sun’iy intellektni faol tatbiq etmoqda. Oleg Pekos talabalarimizning g‘oyalari bilan tanishib chiqdilar. “Toshkent shahridagi Inha universiteti IT-kadrlar tayyorlashda muhim universitet hisoblanadi. Darhaqiqat, turli hakatonlarda va xalqaro tanlovlarda ko’plab birinchi o’rinlarni TShIU talabalari egallaydilar va bu bilan biz juda faxrlanamiz”, – ta’kidladi Oleg Pekos.