TShIUda tayyorlov kurslari talabalari uchun «Orientation Day» bo‘lib o‘tdi

2024-yil 23-avgust kuni Toshkent shahridagi Inha universitetida Uzluksiz ta’lim markazi (UTM) tayyorlov kurslari talabalari uchun «Orientation Day» bo‘lib o‘tdi.

Tadbirda Toshkent shahridagi Inha universiteti rektori Muzaffar Djalalov, shuningdek, universitet talabari va xodimlari qutlov so‘zi bilan chiqishdi. Ishtirokchilar Toshkent shahridagi Inha universitetiga o‘qishga kirish, tayyorlov kurslari, shuningdek, CEC.Inha.uz platformasidan foydalanish bo‘yicha ko‘plab foydali ma’lumotlarga ega bo‘lishdi.

Tadbir davomida 2023/2024 o‘quv yilida muvaffaqiyatli o‘qigan tinglovchilarga sertifikatlarni topshirish marosimi bo‘lib o‘tdi.

Uzluksiz ta’lim markazimizning statistik ma’lumotlari:

– Tayyorlov kurslarini 196 nafar talaba muvaffaqiyatli tamomladi

– Ulardan 136 nafari TShIUga, 48 nafari esa boshqa oliy o‘quv yurtlariga muvaffaqiyatli o‘qishga kirdi

– 12 nafar talaba stipendiyalarni qo‘lga kiritdi

– 10-sinf o‘quvchilaridan 18 nafari o‘qishni tamomlagandan so‘ng TShIUda o‘qish imkoniyatiga ega bo‘ldi.

Ushbu 2024/2025 o’quv yilida UTM kurslariga rekord miqdordagi talabalar – 222 kishi qabul qilindi.

Toshkent shahridagi Inha universiteti qoshidagi Uzluksiz ta’lim markazidagi tayyorlov kurslari matematika, ingliz tili, fizika kabi fanlardan darslarni o‘z ichiga oladi.

Tayyorlov kurslariga ro‘yxatdan o‘tish avgust oyining oxirigacha davom etadi, batafsil ma’lumotni +998 71 289 99 95 telefon raqami yoki //t.me/cecadmin telegram orqali olishingiz mumkin.