Uzluksiz Ta’lim Markazi tinglovchilarining 92 foizi IELTS sertifikatlarini muvaffaqiyatli oldilar

 

4-iyun kuni tayyorlov kurslari talabalariga IELTS sertifikatlarini tantanali topshirish marosimi bo‘lib o‘tdi.

Taqdirlash marosimida Toshkent shahridagi Inha universiteti rektori Muzaffar Djalalov, Uzluksiz ta’lim markazi menejeri Nailya Yermakova, ingliz tili o‘qituvchilari Angelina Saydasheva, Malika Rahimova, Ozoda Isamuxamedova hamda Britaniya Kengashi vakili Amirsaid Sodiqovlar ishtirok etdilar.

“Bunday yuqori natijalar bizning uzluksiz ta’lim markazimizning sifatli faoliyati, o‘qituvchilarning kasbiy mahorati va talabalarning bilimga intilishining ko‘rsatkichidir. Biz tinglovchilarimiz va ularning yutuqlari bilan faxrlanamiz. Toshkent Inha universiteti hamisha bakalavriat va MBA dasturlari va abituriyentlarni tayyorlashda jahon standartlari darajasida ta’lim berishga intilgan va bu natijalar biz to‘g‘ri yo‘lda ekanimizni tasdiqlaydi. Qattiq mehnat qilishda davom eting va muvaffaqiyat uchun har bir eshik siz uchun ochiladi.”, dedi TShIU rektori M.Djalalov.

Barcha ishtirokchilarni tabriklaymiz va yanada katta muvaffaqiyatlar tilaymiz!