Yandex O‘zbekiston Dasturlash maktabida Python dasturlash tilini bepul o‘qitish uchun arizalarni qabul qilishni boshladi

Ushbu maktabga 14-17 yoshli talabalar yozilishlari mumkin.

📍Dasrlar Toshkent shahridagi Inha universitetida bo‘lib o‘tadi.

Mashg‘ulotlar davomida o‘rta maktab o‘quvchilari Python dasturlash tilidagi rivojlanish asoslari bilan tanishadilar va tilning asosiy tushunchalari va konstruksiyalarini o‘rganadilar.

❗️Loyihada ishtirok etish mutlaqo BEPUL, lekin ishtirok etish uchun ariza to‘ldirishingiz kerak.

Dasturlash maktabiga qabul ikki bosqichdan iborat – test va suhbat. Dastlab //codingschool.yandex.uz/ru havolasida ishtirok etish uchun ariza to‘ldirishingiz kerak.  Bunga javoban siz testga havola qilingan xat olasiz.

Agar abituriyent testdan muvaffaqiyatli o‘tgan bo‘lsa, u suhbatga taklif qilinadi.

3-oktabrgacha ro‘yxatdan o‘tishingiz va test topshirishingiz mumkin.