EN
RU
20 yanvar kuni Toshkent shahridagi INHA universitetida “Technovation Uzbekistan 2019” tanlovining ikkinchi kuni bo‘lib o‘tdi. Bu har yili dunyo xotin-qizlar jamoalari o‘rtasida o‘tkaziladigan xalqaro texnologik tanlovdir.
Uch yildan buyon Toshkent shahridagi INHA universiteti xotin-qizlar uchun eng yirik xalqaro texnologik tanlovni qo‘llab-quvvatlamoqda. Tadbir doirasida «ideathon» ma’ruzachilari turli ijtimoiy, shu jumladan ham ekologik loyihalarni ko‘rib chiqdi.
Tanlovning maqsadi – qizlarda tadbirkorlik, STEM, ATga bo‘lgan “moslashuvchan” ko‘nikma va qiziqishni oshirish, zamonaviy texnologiyalar yordamida ijtimoiy muhim masalalarni hal qilishni o‘rgatishdir.
10 yoshdan 18 yoshgacha bo‘lgan qizlar jamoalarga birlashib, o‘rganish oson bo‘lgan (App Inventor) dasturlash tilida o‘zining Android-ilovasini yaratishi lozim. Yaratilgan ilova biron-bir mahalliy ijtimoiy masalani hal etishi hamda BMTning barqaror rivojlanish sohasidagi Maqsadlarga asoslanishi kerak.
Tanlov O‘zbekiston Respublikasi Innovatsion rivojlanish vazirligi, Toshkent shahridagi INHA universiteti, Ilg‘or texnologiyalar markazi, Oilalar va bolalarni qo‘llab-quvvatlash uyushmasi bilan hamkorlikda tashkil etildi.
May oyda “Technovation Uzbekistan” tanlovining finali bo‘lib o‘tadi. Eng yaxshi loyihalarga sovrinlar hamda Kaliforniyaga borish imkoniyati beriladi.