“Voice Ai Challenge Uzbekistan” xakatoni TshIU talabalari jamoasining g‘alabasi bilan yakunlandi.

2021-yilning 24-26-dekabr kunlari Toshkent shahridagi Inha universitetida sun’iy intellekt bo‘yicha “Voice Ai Challenge Uzbekistan” hakatoni bo‘lib o‘tdi.
Tadbirda ishtirok etish uchun 300 dan ortiq ishtirokchilar ro’yxatdan o’tgan bo’lib, ulardan 39 ta jamoa tuzildi.
Uch kunlik sinov natijalariga ko‘ra, Toshkent shahridagi Inha universiteti talabalaridan iborat “Sigma” jamoasi g‘olib bo‘ldi. Uch kishidan iborat bo’lgan jamoa (Maftuna Ziyamova, Yasmina Ablayeva, Mumammadsaid Mamasaidov) o‘zbek tilidagi yangiliklar agregatori – “Xabarchi” loyihasini taqdim etdi. Ushbu loyiha hakamlar hay’ati qarori bilan eng yuqori baholarni qo’lga kiritdi va birinchi o’rinni egalladi.

Ikkinchi o‘rinni «STT API bot» loyihasi (nutqni o‘zbek tilidagi matnga tarjima qilish) bilan «Milliy. ai» jamoasi egallagan bo‘lsa, uchinchi o‘rin esa taniqli shaxslar ishtirokidagi raqamli muzeyni taqdim etgan «Digital Twins» jamoasiga nasib etdi.
Tadbir tashkilotchilari tomonidan hakaton g‘oliblariga qimmatbaho sovg‘alar taqdim etildi.