EN
RU
Mening ismim Shuhratov Behzod va men 18 yoshdaman. Men Toshkent shahridagi INHA universitetining 2-kurs talabasiman va fakultetim Kompyuter Injeneriyasi (Socie-U2010259).
Men boshlagan loyiha, eKurs deb ataladi va «Elektron kurslar» degan ma’noni anglatadi. Loyihaga www.eKurs.uz sayti orqali kirish mumkin. Loyiha-bu zamon talab qiladigan, to’liq bepul, samarali va oson bo’lgan kurslar to’plami. Loyihaning asosiy maqsadi – o’zbek tilida ochiq manbalarni yaratish orqali O’zbekiston ta’lim darajasini yaxshilashga xissa qo’shish.
Loyihaning tuzilishi – bizning video-kurslarimiz fanlar haqida asosiy fundamental bilimni berib o’tadi. Darsliklarimizni ko’rgandan so’ng, o’rganuvchilar qo’shimcha bo’lgan narsalarni o’zlari o’rganishni davom ettirishlari mumkin bo’ladi. Videolar qisqa va ularda juda ko’p foydali ma’lumotlar mavjud. Barcha kurslarda o’quvchilar o’z bilimlarini mustahkamlashlari uchun kichik loyihalar yoki vazifalar mavjud. Masalan, WEB-kurslarini tugatgandan so’ng, eKurs.uz saytiga o’xshash saytlar yaratishlari mumkin bo’ladi. Agar o’qish paytida biron bir savol tug’ilsa, biz ishga tushirgan Telegram Forum ham mavjud, unda kurs davomida tug’ilgan savoli borlar o’z savollarini berishlari mumkin va bilganlar yoki o’qituvchilardan javob olishadi.
Men kurslarga kirishni juda oson qildim, shunda har kim undan hech qanday mashaqqatlarsiz foydalanishi mumkin. Masalan, kirish uchun hech qanday akkount bo’lishi shart emas va kirish sahifasi yo’q.
YouTube-da videolarni ko’rishni afzal ko’rganlar uchun YouTube-da, Ekurs kanalida ham video-kurslar qo’yib boriladi.
Qisqacha loyiha g’oyasi haqida. 2021-yil qish edi. Birinchi semestr tugagandan so’ng, men bo’sh vaqtga ega bo’ldim. Men dasturlashga juda qiziqardim. Keyin Python dasturlash tili haqida bepul kurs topdim. Hammasi ingliz tilida edi. Kursni tugatgandan so’ng, men ingliz tilini bilmaydigan odamlar ham o’zlashtirishi uchun uni o’zbek tiliga tarjima qilishga qiziqdim. Ammo, universitet o’qishlari tufayli men bu fikrni keyinga qoldirishga majbur bo’ldim. Nihoyat, ikkinchi semestrni tugatganimdan so’ng, bo’sh vaqt topdim va saytni yozish bilan loyihani boshlashga qaror qildim.
Avvaliga, darslarni WEB-kurslardan boshladim. Ko’p o’tmay, g’oya juda istiqbolli bo’lgani uchun, loyihani yanada yaxshiroq qilish uchun jamoaga Farrux Mo’minov (bosh maslahatchi, tajribali rahbar), Nurbek Erkinov (sayt dizayneri) va Azizullo Temirov (SMM mutaxassisi) qo’shildi. Loyiha doimiy ravishda rivojlanmoqda. Kimda o’z bilimlari bilan bo’lishishni xohlasa, jamoaga qo’shilishi mumkin. Shunday qilib, yaqin orada sizning sharofatingiz bilan ko’proq kurslar ommaga bepul taqdim etiladi.
eKurs.uz – Birgalikda Imkoniyatlar Yaratamiz.
Bizning Saytimiz: //ekurs.uz/
YouTube Kanalimiz: //www.youtube.com/channel/UCMcyzrIxs-qGwQm7q1FjHLw