Toshkent shahridagi 193-sonli maktabda yangi kompyuter sinfxonasi ochildi

2021-yil 6-sentyabr kuni Toshkent shahri Uchtepa tumanidagi 193-sonli informatika va axborot-texnologiyalari faniga ixtisoslashtirilgan davlat umumta’lim maktabida yangi IT-sinfxonasi tantanali ravishda ochildi. Ushbu sinfxonani ta’mirlash va jihozlashni Toshkent shahridagi Inha universiteti amalga oshirdi.

Ochilish marosimida TshIU rektori M.Djalalov 193-sonli maktab o’quvchilariga muvaffaqiyatli o’quv yili tilab, yangi kompyuter sinfxonasi maktab o’quvchilarining IT sohasidagi iste’dodlarini kashf etish va rivojlantirishga hissa qo’shishiga umid bildirdi.