TIUda «Inha» global ta’lim markazi ochildi

13 fevral kuni Toshkent shahridagi Inha universitetida «Inha» global ta’lim markazining ochilishiga bag‘ishlangan marosim bo‘lib o‘tdi.  

 

Markazning ochilishi marosimida Toshkent shahridagi Inha universiteti rektori v.b. Muzaffar Jalolov va loyiha dekani Choy Ki Yang ham ishtirok etdi. 

 

«Inha» global ta’lim markazi IUT va Inha universtitetida o‘qishga  intilayotgan mahalliy hamda xorijiy talabalarga maslahatlashuv xizmatlarini   taqdim etadi. Toshkent shahrida joylashgan ushbu rasmiy maslahat markazi turli ma’lumotlarni olishda axborotdan qulay va tezkor foydalanish imkoniyatini ta’minlaydi. Bu xorijlik talabalarga o‘qish tizimiga ko‘nikish va moslashishga yordam beradi.

 

Shu bilan birga markaz O‘zbekistondagi Inha universiteti talabalari bilan almashish, stipendiyalar xaqida ma’lumot berish, telefon orqali talabalar bilan aloqada bo‘lib turish bo‘yicha xizmatlarini taqdim etadi, talabnoma berish va fakultetni tanlashda hamda yo‘naltirishda yordam beradi.