Toshkent shahridagi maktab o‘qituvchilari uchun “Ta’limda raqamlashtirish” kurslari yakunlandi

2021-yil 8-noyabrdan 2022-yil 31-yanvarga qadar Toshkent shahridagi Inha universitetida Toshkent shahri Uchtepa tumanidagi 193-son va Yunusobod tumanidagi 220-umumta’lim maktablari o‘qituvchilari ishtirokida 3 oylik “Raqamli savodxonlik” malaka oshirish kurslari tashkil etildi.
Mashg‘ulotlar Toshkent shahridagi Inha universitetining malakali o‘qituvchilari tomonidan matematika, fizika, informatika va ingliz tili kabi yo‘nalishlar bo‘yicha olib borildi.
2022-yil 4-fevral kuni Toshkent shahridagi Inha universiteti rektori M.Djalalov tomonidan Toshkent shahar Uchtepa tumanidagi 193-son va Yunusobod tumani 220-sonli umumta’lim maktablari o‘qituvchilariga “Ta’limni raqamlashtirish” yo‘nalishi bo‘yicha uch oylik kurslarni muvaffaqiyatli tamomlaganliklari to‘g‘risida sertifikatlar topshirildi. Shuningdek, TshIU va yuqorida qayd etilgan umumta’lim maktablari o‘rtasida hamkorlik to‘g‘risidagi memorandum imzolandi.