«Generativ sun’iy intellekt sharoitida ta’lim tizimlari va kiberxavfsizlikni transformatsiya qilish: tahdidlar, ishonchlilik muammolari va xavfsiz AI arxitekturalari» nomli xalqaro ilmiy-amaliy konferensiya

Tadbir zamonimizning asosiy muammolari: generativ sun’iy intellektni ta’lim, iqtisodiyot va innovatsion texnologiyalarga integratsiya qilish masalalariga bag‘ishlangan. Ishtirokchilar e’tibori markazida — kiberxavfsizlik masalalari, ishonchli AI arxitekturalarini yaratish va ta’lim muhitini raqamli transformatsiya qilish turibdi.

Tadbirning muhim voqeasi hamkorlik aloqalarining mustahkamlanishi bo‘ldi: Toshkent shahridagi Inha universiteti Toshkent amaliy fanlar universiteti bilan hamkorlik memorandumini rasman imzoladi. Mazkur kelishuv IT va innovatsiyalar sohasida ta’lim dasturlarini birgalikda rivojlantirish hamda ilmiy-tadqiqot loyihalarini amalga oshirishga qaratilgan.