Inha talabalari uchun talabalar almashinuv dasturi — Germaniyada tahsil olish imkoniyati

Toshkent shahridagi Inha Universiteti talabalari 2027-yil bahorgi semestrida Germaniyaning Bremen shahrida joylashgan Constructor Universityda Student Exchange dasturida ishtirok etish imkoniyatiga ega.

Dastur talabalarga ingliz tilida ta’lim beriladigan, tadqiqotga yo‘naltirilgan muhitda tahsil olish, xalqaro talabalar hamjamiyati bilan tanishish hamda professor-o‘qituvchilar boshchiligidagi ekskursiyalar va madaniyatlararo kurslar orqali Germaniya madaniyatini o‘rganish imkonini beradi.

Dastur imkoniyatlari:
– Joylashuv: Bremen, Germaniya
– Bahorgi semestr: 2027-yil 1-fevral – 2-iyun (Orientation: 26–30-yanvar 2027-yil)
– Ta’lim tili: ingliz tili

Talablar:
– Bakalavriat talabalari (barcha yo‘nalishlar uchun ochiq)
– GPA 3.0 yoki undan yuqori (B yoki unga teng)
– Ingliz tili CEFR B2 darajasida
– IELTS 5.5–6.5, TOEFL iBT 80, TOEIC 650–800 yoki Cambridge FCE

Muhim: Toshkent shahridagi Inha Universitetidan dasturga 1 nafar talaba nomzod sifatida tavsiya etiladi.

Ariza topshirish muddati: 2026-yil 11-oktabr