Umumiy

Toshkent shahridagi Inha universitetida “Ilmiy Amaliy Forum 2026” bo‘lib o‘tdi!

Posted on by Shirina Yergeshova
10
Okt

10-oktabr kuni Toshkent shahridagi Inha universiteti Electronic Autonomous Solutions (EAS Company) bilan hamkorlikda “Ilmiy Amaliy Forum 2026” ilmiy-amaliy forumini o‘tkazdi. Tadbir tadqiqotchilar, soha mutaxassislari, muhandislar va talabalarni bilim va tajriba almashish, innovatsion texnologiyalarni o‘rganish hamda muhandislik va IT sohasidagi amaliy yechimlarni muhokama qilish uchun birlashtirdi.

Forum davomida dron texnologiyalari, marshrutlarni optimallashtirish, aloqa tizimlari va zamonaviy muhandislik yechimlariga bag‘ishlangan ekspert ma’ruzalari taqdim etildi.
Toshkent shahridagi Inha universiteti professorlari Hasan Xonkeldiyev va Minhaz Uddin Ahmed forumda ma’ruzalar bilan ishtirok etib, o‘z ilmiy tadqiqotlari va tajribalari bilan o‘rtoqlashdilar.

Tadbir doirasida Robotics Lab Future Technology Company bilan hamkorlikda talabalar loyihalari tanlovi ham tashkil etildi. Tanlov yakunlariga ko‘ra, g‘oliblar tantanali taqdirlash marosimida mukofotlandilar.