Umumiy

TShIU rektori Xalqaro CIO Akademiyasi (IAC) bilan memorandum imzoladi

Posted on by Diyora
26
Okt

2022-yil 26-oktabr kuni Samarqand shahrida TShIU rektori Muzaffar Djalalov va Xalqaro IT-direktorlar akademiyasi (IAC) rahbariyati o’rtasida o‘zaro anglashuv memorandumi imzolandi. Memorandum ikki tashkilot oʻrtasida quyidagi hamkorlikni o’z ichiga oladi:
1. Toshkent shahridagi Inha universiteti negizida CIO mutaxassislari uchun maxsus qisqa muddatli malaka oshirish dasturlarini ishlab chiqish.
2. Toshkent shahridagi Inha universiteti negizida CIO va IT sohasida yetakchilik bo‘yicha magistratura dasturlarini yaratish.
3. Bosh axborot xodimlari (CIO) va axborot texnologiyalari (IT) rahbarlarini boshqarish bo’yicha magistratura dasturlari uchun ixtisoslashtirilgan akkreditatsiyani tashkil etish.
4. Kelishuv asosida konferentsiyalar, simpoziumlar, seminarlar, ma’ruzalar va boshqa tadbirlar orqali CIO standartlari va IT yetakchiligi sohasidagi tadqiqotlar, bilim va siyosat bo’yicha ma’lumot almashish.